ابوذیّات ذکریات الحبیب
شصبر الروح اسلیهه بهاون
خذاهه الفکر شت بیهه بهاون
السبب و احبابی دگّونی بهاون
نسوا کل تعبی ما عدهم حمیّه
...
غرگت اببحر ولفی اغط ونبگ
اعلی سدره امورّد التفّاح ونبگ
اخاف ایتفّح المحصول ونبگ
و اخاف البایگه ایحرمه علیّه
...
جنزر باب گلبی ارجوک تحله
اطلبت منّه فریج السدر تحله
الگعده وی عزیز الروح تحله
او کل بسمه طبیبة مرض بیّه
...
انظلمت احبابی چا وینه عدلکم
الف رحمه اعلی میّتکم عدلکم
فلکتوا بیّه بس گلبی عدلکم
او دفن کل فتن و اهمومه ابزویّه
...
احترگت او ما شک ابغربه شکلکم
او صرتوا اجناب بعدیتوا شکلکم
گلبی غثّته الفرگه شکلکم
عساکم صبّه کل بیت ابنویّه
...
اسلیم.امحیبس و شاهین، فدعم
اخوان او نارهن تنخاک فدعم
الیعادینه ترا احنه اسباع فدعم
نزیل الغیض یوم الموزمیّه
...
حمیتک بخت ما ردهه شردهه
العریضی صیتی و احلامی شردهه
اطیوری امن الشبچ طارت شردهه
ایّامی الحلوه هیچی اعملت بیّه
...
غیم ابیض فجر زودی ودلمای
عرفته الخاتل الضربی ودلمای
یطارش دوک اخذ همّی ودلمای
العمامی الطابگو ضدّی علیّه
...
حبیبی لا تحن لا توّن مرضه
ابجفاک اهلالی لیلة عید مرضه
فهمت ابگلبی لیش ازداد مرضه
السبب انت التغث بیه کل مسیّه
...
حمل طابج مراگب قهر ویمال
طفت عمری اعلی ظهری اهموم ویمال
لیلی ما انامه الگلب ویمال
تعب و افراگ و انت هم علیّه
...
بس البیه الم یدری بلامای
ابصبخ عطشان بالحرّه بلامای
افزّع یا عرب یمّی بلامای
العمام الزین ذبّتّه ابهبیّه
...
السمر و البیض نجمه و بسمانه
و اذاهن من اذانه وبسمانه
زینب ، لیلی ، امانه وبسمانه
الهناء و الطیب و افراح الزهیّه
...
هسّه اشتم عسر و انتظر یسرای
عساء یمنای ما تحتاج یسرای
ابظلام الدامس انا اویاک یسرای
لا تطفی او تطیّحنه ابهبیّه
...
العین الشاهت اشلعهه و اذبهه
ابطن الچیر ادهربهه وذبهه
ممد ایدی علی العیشه وذبهه
الموت اهون من الّی ایمن علیّه
...
امتحان الدّنیا للعابد دخلها
الرزق لو طار لا تحسب دخلها
الجنّه لو صعب واحد دخلها
النار اتجلبه و ایفر یا نویّه
...
نخاف اللّه و رسوله ودعلینه
او سر الّی یکلفک ودعلینه
اذا لچّک زمانک ودعلینه
نشیل الحمل یوم الموزمیّه
...
علی خشفین سدر ابسدر مرّن
انخلب گلبی اریاگی اعتقد مرّن
المبایل فززانی او طحت مرّن
ابگفای ام العلی او زعلت علیّه
...
قسم ما حیّوا الخطّار وگفو
قسم یوم البراز انذال وگفو
قسم بالحد نشامه اسباع وگفوا
او قسم للبین ما تسوی هدیّه
...
اشتری الجاموس ما خلّف حوالی
او شتلت النخل ما خضّر حوالی
فکری بس مر و حنضل حوالی
او تعبی راح کل قسمه ابنویّه
...
گضیت العمر ثلثینه ویامن
گلبی ما صحی الواحد ویامن
اویا خل اکشف اهمومی ویامن
من اهموم الزمان او طشهه الیّه
...
زمانی الهدّم ارکانی ورد له
الزعت الطیب ما غزّر ورد له
اشربه مای بعیونی ورد له
الملح و المای ما لچّه علیّه
...
علی الطیبین گلبی یدگ وشراف
احمله اشما جرحنی العدو وشراف
العگل عنده احباب اتلوگ وشراف
یطیر ایرید للبیهم حمیّه
...
احس بالواشی لهمومی وشلهه
اعتمدّت اجروحی اضمّدهه وشلهه
احمولی بیدی اشدّنهه وشلها
ولا ابوس اید طامع للمنیّه
...
البنه بیتک شخص ضافک ودارک
او زیّن حالک او بالک ودارک
انکریته التاعب ابشانک ودارک
بعد لا تلفی طیره گطع فیّه
...
یون گلبی اشعلامه ماهونّه
علی الّی ودّعنّه ما هونّه
ابثریهن زامطنّه ماهونّه
الالنه نزرع انطهر الثنیّه
...
البطاله للرجل خذلان جدّاً
اخذ درب الینصحک وامش جدّاً
الوکت خلّه بنات اشیوخ جدّاً
واهلهن چانوا الکل عبقریّه
...
حبیب او دوم تضحک لی شفالک
اندعیت اللّه من امراضک شفالک
اذا انت الحنین اتشد شفالک
نموذج انت الی ابحل کل قضیّه
...
گلبی ما یحن صوبک ولا طب
او شفت منّک جرح خزّن ولا طب
البیتک بعد ما امرّن ولا طب
رجلی اکسرها لو طبّت و ادیّه
...
اهل المرجله اتحارب علمهم
اعدای اتشنّطوا رفعوا علمهم
حضّی الّی علی بیتی علمهم
الخباثه مدرسه الناره سریّه
...
فتی و ابصدره جوز الّوز گبّن
حبّه او ناره بالدلال گبّن
یتیز ابزوده صوبی الصبر گبّن
موقّت شبگته اتسکنه الیّه
...
یگلبی السمراء درّه من سمرها
سفینه اببحر تجلب من سمرها
تحب کلمن نظرها من سمرها
ولاکن حبّی البیضه اشهلیّه
...
عزمک دوم بلکلفات شدّه
اتحزّم من علیک اتصیر شدّه
الیگول الحگ اجروحه اتفور شدّه
تگوم ابضدّه گوم البلطجیّه
...
گلبی الما هده بوسه بسلکم
تحبّونه الّذی ودکم بسلکم
ما طابگ خلگ ضدکم بسلکم
حنانه ایدر واهل طیب او حمیّه
...
مثل وردة شفلّح تدر شفتک
او تشیل اهموم منّی او تفز شفتک
هم تدری ابهواک اشعمل شفتک
حرگنی ابنار و انت الجار الیّه
...
احترگت ابامل ولفی هایجنّه
حسافه او شال منّه هایجنّه
حبیبی اویاچ ساکن هایجنّه
اذا بالنار اود نسکن سویّه
...
حسافه الیکره او سبنه عفنّه
البیض او شگر کرهنّه عفنّه
کبرنه او ربنه من فضله عفنّه
ابشعرنا او قدّمینه الحب هدیّه
...
انجرح گلبی اعلی ناسی من یشیله
الوفی او یوفی ابوعوده من یشیله
الحمل لو طاح بیّه من یشیله
اولادی ، احفادی ، لو اهل الحمیّه
...
اشما اسئل علیک افتخر کلما
اطیح اکثر ابشوگک واجد کلما
علیک اشتاق گلبی او عطش کلما
امن اشوفک ظل یزود العطش بیّه
...
شطوع الروح اسلیهه شمرها
الزمان الّی فتک بینه شمرها
علی البیهم رده اخوانی شمرها
ابرداهم و انا احن واصفج بدیّه
...
علی دنیای ترمی ارداف مایات
او عینی اعلی التودّه ادموع مایات
الیموت ایغسّلونه سبع مایات
حلو حی من یموت انجس ردیّه
...
ابعینک یا ترف طبعی حلالک
گلبی او روحی الک فدوه حلالک
اگلاده اعلی السدر حطّه حلالک
یحفظک من رده النّاس الخفیّه
...
اخوک الما حضر بالضیج ویّاک
اشتظن ایشیل حمل الطاح ویّاک
احذرک یا ابو مهدی ایّاک ویّاک
لان عدهم گطع ماکو حمیّه
...
حسره ابگلبی ما واحد فراهه
و ابد وی خلّی ما شایف فراهه
الدهر روحی علی عنقی فراهه
او خنگنی او گام یتشمّت علیّه
...
الزین الیمشی ابشوره ورایه
ولا بحر النساء ایغَیره ورایه
یضل شایل سدر صیته ورایه
ابعمامه او ما یهاب امن المنیّه
...
الفتک بینه العریضی مایودنه
ابدربنه او خل شربنه مایودنه
گعد ینطر علینه مایودنه
یدهرب بالفتن صوبی او اذیّه
...
اچندوب اخزن اهمومی و لومی
ولا دارس کره طبعی ولومی
ما اصیحن علی المجفی ولومی
ولا اشکی اهمومی الکل ضحیّه
...
یگلبی کثرن اهمومی تراهن
ابعینک و انت شابگنی تراهن
لتگون الجرح طیّب تراهن
الرمح بالگلب دم و ایدث علیّه
...
احذه ولفی او رمح طگنی مایرالی
ابسبب حبّه او ناره مایرالی
خفیت الّی ضربنی مایرالی
اخاف ایضیج لو یحثر باذیّه
...
الشهم من دون اخوته صدا ماله
الاصیل الیفدی لهل الکرم ماله
ترا الیهذی کثیر ایصیر ماله
تمل منّه الخلگ چی بیه اذیّه
...
یطارش خذ کلامی ابصدگ وصله
او یهلبت یرتهم هالفتگ وصله
الگال البیت اهو حسّان وصله
الحسّانی ایریدکم یهل الحمیّه
...
یخوی الشیبی ما اعوفک ونهواک
او مسحت الگلب من سبّک ونهواک
انت الدم البگلبی ونهواک
اتأدّب و اطلب او آمّر علیّه
...
جاسم ثعلبی الحسّانی 17/06/1400
صورة للشاعر جاسم ثعلبی الحسّانی
:: برچسب‌ها:
ابوذیّات ذکریات الحبیب ,
:: بازدید از این مطلب : 3098
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
